No marco das actividades formativas do centro, o alumnado de 4º da ESO tivo a oportunidade de participar noutra interesante charla sobre a intelixencia artificial, pero nesta ocasión máis enfocada nos riscos e os sesgos da Intelixencia Artificial (IA), organizada dentro dos programas educativos da Universidade de Telecomunicacións de Vigo.
Durante a sesión, o alumnado puido achegarse dun xeito claro e accesible ao funcionamento das ferramentas de intelixencia artificial que cada vez están máis presentes na nosa vida cotiá. Ao longo da charla abordáronse cuestións moi relevantes como os posibles riscos asociados ao seu uso, os sesgos que poden aparecer nos algoritmos ou a importancia de empregar estas tecnoloxías de maneira crítica, responsable e ética.
A actividade permitiu abrir un espazo de reflexión moi necesario, no que o alumnado participou activamente con preguntas e comentarios, mostrando un grande interese por comprender mellor como funcionan estas ferramentas e cal pode ser o seu impacto na sociedade.
Este tipo de iniciativas contribúen a desenvolver o pensamento crítico e a competencia dixital do alumnado, aspectos fundamentais nun contexto tecnolóxico en constante evolución.
No hay comentarios:
Publicar un comentario