CAMALEO PRESENTA AS NOVAS INCORPORACIÓNS DA BIBLIOTECA A PARTIR DO BUZÓN DE SUXERENCIAS (17/3/26)

A nosa mascota da biblioteca, Camaleo protagonizou un momento importante para o alumnado, nesta ocasión Camaleo  presentounos unha selección de libros adquiridos recentemente a partir das propostas recollidas no noso buzón de suxestións da biblioteca. Esta iniciativa pon en valor a participación activa do alumnado e da comunidade educativa na configuración do fondo bibliográfico, tendo en conta os seus intereses e preferencias lectoras.

Para nós é importante darlle visibilidade ás novas incorporacións e animar ao alumnado a seguir facendo uso do buzón, entendéndoo como unha ferramenta real e efectiva de comunicación coa biblioteca. Ao mesmo tempo, refórzase o papel da biblioteca escolar como un espazo dinámico, participativo e en constante actualización, que medra grazas á implicación de toda a comunidade educativa.