CHARLA PARA O ALUMNADO DE 4º ESO SOBRE INTELIXENCIA ARTIFICAL E AS SÚAS APLICACIÓNS POR PARTE DA UNIVERSIDADES DE VIGO DE TELECOMUNICACIÓNS (10/02/26)

O alumnado de 4º da ESO participou ña cornada de hoxe nunha interesante charla sobre Intelixencia Artificial, impartida por profesorado da Facultade de Telecomunicacións da Universidade de Vigo. A actividade celebrouse na biblioteca do colexio, un espazo que se converteu por unhas horas nun punto de encontro para a aprendizaxe e a reflexión sobre a tecnoloxía do presente e do futuro.

Durante a sesión, o alumnado puido coñecer de forma clara e amena que é a intelixencia artificial, como funciona e de que maneira xa está presente no noso día a día: desde os asistentes virtuais ata as recomendacións en plataformas dixitais. Ademais, abordáronse temas tan importantes como o uso responsable destas tecnoloxías, as súas vantaxes, os seus límites e os retos éticos que presentan.

A charla fomentou a participación activa do alumnado, que amosou un gran interese e curiosidade, formulando preguntas. Este tipo de actividades resultan moi valiosas para achegar o mundo universitario ao alumnado de secundaria e para axudalos a comprender mellor os avances tecnolóxicos que marcarán o seu futuro académico e profesional.