Durante todo o curso escolar o noso alumnado viviu e vivirá unha xornada chea de intriga e literatura na Biblioteca Neira Vilas. Non é unha visita calquera, pois convertémonos en auténticos detectives por un día!
Contos, pistas e moita imaxinación
A actividade comeza cunha viaxe a través das palabras. O persoal da biblioteca amosa como funciona este fantástico espazo e, despois, mergullámonos nunha sesión de conta-contos centrada en historias de detectives e misterios.
Pero a cousa non quedou aí... ¡tiñamos un caso real que resolver!
Obradoiro de detectives: O caso do libro desaparecido
Para rematar a visita, participamos nun emocionante obradoiro de misterio. Alí, poñendo a proba o noso enxeño e seguindo unha serie de pistas agochadas, teremos que investigar quen fora o responsable de roubar un libro da biblioteca.
Tras moitas pescudas e traballo en equipo... ¡conseguimos descubrir ao culpable!
Para o alumnado de Ed. infantil a visita adáptase en función das súas necesidades e intereses. Trátase da primeira toma de contacto, céntrase na maxia dos contos. Descobren que a biblioteca é un lugar acolledor, aprenden a respectar o silencio e gozan coa espectacular sección de contos e álbums ilustrados.
Aprender lendo 📚😍
Pasámolo en grande descubrindo que a lectura non só nos ensina mundos novos, senón que tamén pode ser un xogo de intelixencia e diversión. Queremos agradecer á Biblioteca Neira Vilas por organizarnos unha mañá tan inesquecible.
Por que visitamos a Neira Vilas?
O noso obxectivo é claro: queremos fomentar o hábito lector fóra das aulas. Ao coñecer as instalacións, os alumnos e alumnas senten a biblioteca como un espazo propio onde poden acudir coas súas familias para ler, estudar ou participar en obradoiros.
No hay comentarios:
Publicar un comentario