O pasado 10 de novembro de 2025, o alumnado de 3º da ESO participou nunha charla informativa sobre prevención de delitos sexuais, impartida por un axente da Policía Nacional de Vigo.
A actividade tivo como obxectivo concienciar ao alumnado sobre a importancia do respecto, os límites persoais e a protección da intimidade, tanto no ámbito presencial como nas redes sociais. Durante a sesión, abordáronse cuestións como o consentimento, o uso responsable das novas tecnoloxías e os riscos asociados á difusión de contidos íntimos.
O axente ofreceu tamén consellos prácticos para actuar ante situacións de risco e informaron sobre os recursos de apoio e denuncia dispoñibles para as vítimas.
Este tipo de iniciativas contribúen a promover unha convivencia segura, respectuosa e baseada na igualdade.
No hay comentarios:
Publicar un comentario